شخشوخة

الشخشوخة اكلة تقليدية ونعملوها في المناسبات الدينية
نبدا بالعجينة
المقادير
كيلو سميد رقيق 2ملاعق اكل ملح وماء
سميد +ملح +الماء بالتدريج حتى تصبح عجينةونعجنها جيدا حتى تصبح لينة وملساء

انغطيها بالبلاستيك ونتركها ترتاح من 15 الى 20 دقيقة ونعود اليها ونكورها الى حبات صغيرة باستعمال قليل من زيت ونتركها ترتاح نصف ساعة

انجيبو طاجين حديد او مقلاة كبيرة وانديرو فوقها 5 ققطرات زيت على نار هادئة جدا ونبداو نفتحوها كيما الخبز باستعمال قليل من زيت كل مرة ونحطوها طيب
كي اطيب على الجهة 1 انقلبها وانكون وجدت الثانية نضعها فوقها وهكدا حوالي 7 طبقات
وفي الاخير قبل نزعها نعملوها كما الصورة التالية لكي يطيبو الجوانب
بعد ما نكملو العجينة انفتتوها الى اجزاء صغيرة باش انسقيوها بالمرقة
الان تحضير المرق

قطع دجاج او لحم غنمي حبة بصلة كبيرة حبة طماطم 3 ملاعق اكل زيت ملعقة صغيرة فلفل اسود ملعقة كبيرة كسبر يابس مطحونة
حمص منقوع في الماء نهار قبل 2 ملاعق كبار طماطم 2 حبات كوسا 2 بطاطا 2 جزر
نضع المقدير في الطنجرة ما عدا البطاطا والجزر و الكوسا نضيفهم فى الاخير
انقليوها امليح حتى ثم نضيف الماء تدريجيا حتى تتغطى جميع المكونات ونتركهم ايطيبو وبعدها نضيف الخضر ونتركهم يطيبوا ثم انسقيو الشخشوخة هناك من يحب اضافة قطعة زبدة قبل الاكل وهي تاكل ساخنة وفي صحن واحد وكبير
وبالصحة وان شاء الله تعجبكم