نكت جزائرية ...

قالك مرة وحد الراجل متزوج زوج نسا وحدة مثقفة و الاخرى جاهلة و هوما ماشيين في الطريق طاحتلو السيارة اونبان. نزلت الاولى وقالتلو شوف بالاك الموتور بلاك...بالاك..بالاك...قالت الثانية كيفاه هذي تفهم خيرمني زعما تفهم في كلش راحت للراجل وقالتو ..يا راجل شوف شوف بالاك نسيت البرمي علابيها طاحة اومبان.

* قالكم كاين واحد عندو الغنم بزاف بزاف بصح ما يصليش واحد المره جاه الامام
تاع المنطقة نتاعو وقالوا انت لوكان تزيد تصلي الغنم نتاعك يوليو الضعف
مالا هذاك السيد داه الطمع و عاد يصلي باه يزيد العدد نتاع الغنم وكل مرة يصلي يموتلوا
4ولا5والسيد صابر يقول ضرك يزيدو ضرك يزيدو حتى بقى ليه كبش واحد
فات عليه والكبش يقول بع بع بع بع بع بع بع ما حبش يسكت
دار عندو السيد وقالوا :بلع علي فمك تزيد تهدر نصلي عليك 2 ركعات نجيبك ميت

*قالك مرة واحد ديما تسقسيه صاحبتو: واش تغديت؟ يقول: لوبيا .ديما هكا واحد النهار قالوا صاحبوا: اكذب شوي قولها تغديت شواء . كليت كفتة . تغديت بيتزا .....
هذاك خدمتلوا قال و الله عندو الحق . الغدوى هذيك سقساتوا : واش تغديت ؟ قالها :بــيــتــزا قاللتلوا :واش مليحة (بنينة)؟ قالها : و الله كليت 2 مغارف شبعت

*واحد يسكن في القرية دا الباك وباه يروح للجامعة خاف يضحكو عليه قالتلو أمو روح برك النهار اللول يضحكو عليك والنهار الثاني يضحكو عليك والنهار الثالث توالف وتروحلك العقدة قالها : مالا حتى النهار الثالث